Etorkizun handiko kirolaritzat jotzen dira lehiaketetan goi-maila lortu ez arren, hori lortzeko gaitasuna erakusten duten kirolariak, Euskadiko kirolaren, ekainaren 11ko 14/1998 Legearen 70.3 artikuluan xedatutakoaren arabera.

Arau orokor gisa, denboraldi bakoitzean kadete, jubenil eta junior kategorietan aritzen diren kirolariak. Berriak izan daitezke edo aurreko denboraldietakoak berritu daitezke eta ondoko laguntzak jasoko dituzte:

- Aurrekontu orokorren arabera diru kopuru bat

- EKOZ programa

Etorkizuneko kirolarientzako orientazio zerbitzu bat da EKOZ izenekoa (Etorkizuneko Kirolarien Orientazio Zerbitzua), eta kirol errendimenduarekin lotuta dauden gaitasun psikosozialak baloratu eta garatzeko hainbat ekintza egiten dira. Zerbitzu horiek hobekuntza plan baten barruan sartzen dira eta hainbat helbururen inguruko orientazioa ematen zaie, honako hauek:

• 1. Errendimendura bideratutako gaitasun psikologikoak aztertzea eta baloratzea.
• 2. Denboraldi guztian zehar gertatutako gauza garrantzitsuenak identifikatzea.
• 3. Nerabezaroan ohikoak diren premietara bideratutako laguntza prebentiboa ematea.
• 4. Kirolaria orientatzea kirol esperientzien bitartez gizalegez jokatzen ikasteko (arrakasta edo porrotaren garrantzia erlatibizatuz, gogobetetzea eta nekea jarritako helburuak lortzera bideratuta...).

ETORKIZUNEKO KIROLARIAK

PDF dokumentuak ikusteko beharrezkoa duzu: