Zergatik sortu da?

Kirolaren antolakuntza instituzionala Administrazio publikoen deszentralizazio, koordinazio eta eraginkortasunaren printzipioetan oinarritzen da, administrazio horien eskumenak gauzatzeko orduan, eta horretarako federazioen, kluben eta beste hainbat erakunde publiko eta pribaturen laguntza eta parte-hartzea izango dute.

Egoera hori kontuan izanik, Gipuzkoako Foru Aldundiak, Gipuzkoako kirolaren hainbat sektore publiko eta pribatuko ordezkarien parte hartzea eta topaketa bultzatzeko erakundea eratzea erabaki du. Era horretan gure kirolaren ikuspegi eta jarrera desberdinak lantzeko aukera bermatuko da.