Gipuzkoako Foru Aldundia

GIPUZKO A KIROLAK >> Kirol Zerbitzua

Zerbitzuak

Kirola sustatzeko Zerga pizgarriak

1.- INDARREAN DAGOEN ARAUDIA

· Irabazi asmorik gabeko entitateen zerga erregimenari eta mezenasgoaren aldeko zerga pizgarriei buruzko apirilaren 7ko 3/2004 FORU ARAUA. (GAO. 2004-04-19).( http://www.gipuzkoa.net/euskera/gao/2004/04/19/e0403301.htm)

· Ekainaren 19ko 49/2007 FORU DEKRETUA (2007-06-06 GAO), interes orokorreko xedeen esparruan lehentasunezko mezenasgo jarduerak 2007. urterako ezaratzen dituena.
https://ssl4.gipuzkoa.net/euskera/gao/2007/06/26/e0707480.htm

· Urtarrilaren 18ko 8/2008 Foru Agindua, Kirolak eta Kanpo Ekintzako Departamentuko eskuduntzen eremuan mezenasgoko lehentasunezko jardueren zerredak onartzeari buruzkoa.
https://ssl4.gipuzkoa.net/castell/bog/2008/01/25/bo080125.pdf#c0800800

2004ko apirilaren 7ko 3/2004 Foru Arauak, irabazi asmorik gabeko entitateen eta mezenasgoaren aldeko zerga pizgarrien zerga erregimenari buruzkoak, garbi adierazten du hitzaurrean interes orokorreko jardueretan ekimen pribatuaren parte hartzea sustatzeko premia, herri administrazioek zailtasunak baitituzte handituz doazen gizarte beharrei erantzuteko.

Horrenbestez, aipatu arauak herri onurakotzat jotako fundazio eta elkarteen zerga erregimen berezia eta propioa arautzeaz gain, zerga onurak aurreikusten ditu formula ezberdinak erabiliz interes orokorreko jardueretan ekarpenak egiten dituztenentzat, eta kirol alorreko jarduerak horien artean daude. Horri eransten badiogu Sozietateen gaineko Zergan publizitate babesak duen zerga tratamendua, ondorengo zerga neurrien taula osatuko genuke:

  • Publizitate babesa.
  • Mezenasgoaren onuradun diren entitateei egindako dohaintzak.
  • Enpresa lankidetzako hitzarmenak interes orokorreko jardueretan.
  • Interes orokorreko jardueretan egindako gastuak.
  • Mezenasgoko lehentasunezko jardueretan egindako gastuak.

2.- MEZENASGOKO LEHENTASUNEZKO JARDUERAK

JARDUERAK:

Gipuzkoako Foru Aldundiak urte bakoitzerako zehazten dituenak.

ONURAK:

Pertsona Fisikoen Errentaren gaineko Zergan:

  • Zuzeneko zenbatespenean enpresari eta profesionalen zerga oinarria zehaztean gastu gisako kenkaria.
  • Egindako ekarpenen %18ko kuotaren kenkaria, zerga oinarriaren %30eko mugarekin, ekarpena publizitate babeseko kontratuen bidez egindakoa izanda ere.

Sozietateen gaineko Zergan:

  • Zerga oinarria zehaztean gastu gisako kenkaria.
  • Egindako ekarpenen %18ko kuotaren kenkaria, ekarpena publizitate babeseko kontratuen bidez egindakoa izanda ere.
GASTUAK ZURITZEA:

Mezenasgoko lehentasunezko jarduerak egiten dituztenei egindako ekarpenak direnean:

  • Onuradunek txosten bat aurkeztu beharko dute Gizarte eta Erakunde Harremanetarako Departamentuan, ekarpena zertan erabili den, ekarpen egileen datuak eta jasotako ekarpenen datak adieraziz.
  • Gizarte eta Erakunde Harremanetarako Departamentuak ziurtagiri bat egingo du eta Foru Ogasunari eta mezenasgoko lehentasunezko jarduerak egin dituenari bidaliko die.

Mezenasgoko lehentasunezko jarduerak egin dituena interesatua bera denean:

  • Gizarte eta Erakunde Harremanetarako Departamentuan egiaztatu beharko ditu egindako gastuak.
  • Gizarte eta Erakunde Harremanetarako Departamentuak ziurtagiri bat egingo du eta Foru Ogasunari eta interesatuari bidaliko die.

3.- PUBLIZITATE BABESEKO KONTRATUA

ZEHAZTU BEHARREKOAK:

Babeslearen eta babestutakoaren identifikazio osoa eta zuzena.
Kontratuaren xedea zehaztea:

  • Babesleak publizitatean laguntzeko konpromisoa nola gauzatzen duen zehaztu.
  • Babestutakoak jasoko dituen zenbatekoak eta ordainketa egunak zehaztu.
BABESA JASO DEZAKETE:
  • Kirol federazioek.
  • Gipuzkoako lurralde historikoko kirol klub eta elkarteek.
  • Gipuzkoako fundazioek.
  • Gipuzkoako kirol federazioetan izena emandako kirolariek.
  • Gipuzkoako lurralde historikoko toki erakundeek.
  • Gipuzkoako herri administrazioek.
  • Gipuzkoako kirol enpresek.

4.- ZERGA AURREZKIKO ADIBIDEAK

* 1. ADIBIDEA: Pertsona juridikoen publizitate babesa
Urnietako X.Y, SA enpresak herriko txirrindulari talde amateur bat babestu du kirolariek enpresak egiten duen marka baten publizitatea eraman dezaten maillotean.
Babesaren kostua: 35.000
Diru sarrerak:
Salmentak edo fakturazioa: 5.250.000
Sarrera finantzarioak: 25.000
Guztira: 5.275.000
Gastuak:
Erosketak: 3.250.000
Soldatak eta lansariak: 1.000.000
Hainbat gastu: 240.000
Babes kontratua: 35.000
Guztira: 4.525.000
ZERGA OINARRIA : 5.275.000-4.525.000= 750.000
ZERGA TASA (1): (32,5%)
ORDAINDU BEHARREKO KUOTA: 750.000 x %32,5 = 243.750
Zerga aurrezkia:%32,5 (35.000 x %32,5) 11.375 11.375
(1) Ezarriko den zerga tasa Sozietateen gaineko Zergari buruzko 1996ko uztailaren 4ko 7/1996 Foru Arauak 29. artikuluan aurreikusitakoren bat izango da.
* 2. ADIBIDEA: Zuzeneko zenbatespenean enpresariek edo profesionalek lehentasuneko jarduera edo programetan egindako publizitate babesa
PVU jaunak, PFEZn zuzeneko zenbatespen erregimenera atxikia dagoen Azpeitiko merkatariak, publizitate babesa eskaini dio bere herritik abiatzen den Euskal Bizikletaren etapa bati, eta ekitaldi hori mezenasgoko lehentasunezko jardueratzat hartzen da.
Babesaren zenbatekoa: 10.000
Diru sarrerak:
Salmentak edo fakturazioa: 250.000
Sarrera finantzarioak: 6.200
Guztira: 256.200
Gastuak:
Erosketak: 120.000
Soldatak eta lansariak: 60.000
Hainbat gastu: 5.000
Lehentasunezko jardueretako gastuak: 10.0000
Guztira: 195.000
ZERGA OINARRIA : 256.200-195.000= 61.200
KARGA-TASA (taulen arabera)  
KUOTA OSOA 19.065
Gastu kenkaria (%18 x 10.000) 1.800 (1)
ORDAINDU BEHARREKO KUOTA: 17.265
Zerga aurrezkia: %49,77
(%18 x 10.000 + %31,77 x 10.000)		 4.977
(1) Zerga oinarriaren %30eko muga kontzeptu horregatik eta %60ko muga PFEZren araudian ohiko etxebizitzaren erosketagatik aurreikusitako kenkariekin batera.
* 3 ADIBIDEA: Pertsona juridikoek lehentasunezko jarduera edo programetan egindako publizitate babesa.
Donostiako L.P., SA higiezin-sustatzaileak publizitate babesa eskaini dio Kirolgi Fundazioari
Babesaren zenbatekoa: 50.000
Diru sarrerak:
Salmentak edo fakturazioa: 6.500.000
Sarrera finantzarioak: 100.000
Guztira: 6.600.000
Gastuak:
Erosketak: 4.000.000
Soldatak eta lansariak: 1.100.000
Hainbat gastu: 800.000
Lehentasunezko jardueretako gastuak: 50.000
Guztira: 5.950.000
ZERGA OINARRIA : 6.600.000- 5.950.000= 650.000
ZERGA-TASA (1) (32,5%)
KUOTA OSOA 650.000x % 32,5= 211.250
Gastu kenkaria (%18 x 50.000) 9.000
ORDAINDU BEHARREKO KUOTA: 203.750
Zerga aurrezkia: %50,50
(50.000 x oinarriaren %32,50 + 50.000 x kuotaren %18)		 25.250
(1) Ezarriko den zerga tasa Sozietateen gaineko Zergari buruzko 1996ko uztailaren 4ko 7/1996 Foru Arauak 29. artikuluan aurreikusitakoren bat izango da.
gipuzkoa.net