• Sarrera
• Umeen ezaugarriak
• Ikuspegi orokorra
• Kontzeptuak:
  • Sarrera
  • Baloia eta ni
  • Erasoa
  • Defentsa
  • Atezaina
• Araudia
• Kokapena, jokalarien egitekoak
• Futbolaren didaktika
• Balioak landu
• Iradokizun metodologikoak

Alebinak >> Kontzeptuak >> Atezaina

Atezaina

Alebin adinetik aurrera, atezain postuan ariko diren jokalariek horretan trebatzen hasi behar dutela uste dugu. Hori dela eta, talde guztiarekin batera egiten duten lanaz gainera, entrenamenduaren zati handi bat atezain lanetan trebatzen emango dute. Atezainaren ekintza teknikoak eta zelaian haren kokapena ardatz dituzten zazpi proposamen aurkeztuko ditugu jarraian.

Honako hauek azpimarratuko ditugu jarduera horiek gauzatzean: mota guztietako geldiketak eta blokatzeak, oin-jokoa, atearekiko erreferentzia ez galtzea eta erabaki zuzenak hartzea, aurkariek jaurtiketa egiteko angelu ahalik eta txikiena izan dezaten.

Ikuspuntu zehatzago batetik, ondoko alderdiak landuko dira zehaztasunez:

• Gorputzarekin baloia babestu. ikus bideoa
• Aurrera urrats bat egin luzadetan. ikus bideoa
• Baloia-zutoina angeluaren erdikarian kokatu.ikus bideoa
• Behetik datozen baloiak blokatzean hankak gehiegi ez zabaldu. ikus bideoa

Dena dela, bi hautagai baino gehiago ez badauzkagu atezain posturako, komeni da zelaiko jokalariren batek noizean behin atezainentzako ariketetan parte hartzea.