Gipuzkoako Foru Aldundia

Kirolgela: Futbol entrenamenduak

Benjaminak >> Sarrera

Benjaminetan 8-10 urteko neska-mutilak sartzen dira (Lehen Hezkuntzako 3. eta 4. mailak). Gaztetxoen kirol heziketan aro oso garrantzitsua da hau, askok eta askok lehen aldiz parte hartuko baitute kirol jarduera batean, bai behintzat gidatutako entrenamenduei eta lehia arautuei dagokienez.

Hori dela eta, lehenengoz zerbait egiten dugun aldi guztietan bezala, esperientzia hori erabakigarria izan daiteke gerora kirol jardunaz izango duten ikuskeran. Nolanahi ere, animoak eman nahi dizkiogu kategoria honetako neska-mutilekin ariko den monitoreari; izan ere, ilusio pixka batekin eta behar bezala orientatuz gero, jarduera benetan atsegingarria gauzatzeko modua izango du, bai beretzat eta bai taldearentzat.

Monitoreari laguntzea da gure asmoa, eta horretarako gida erabilgarri bat jarriko diogu eskura (ikus bideoa) ; jarraian proposatuko diogun ibilbidea egin beharko du monitoreak, eta adin honetako neska-mutilei egokitutako futbol irakaskuntzaren bideetan barrena ibiliko da. Hori bai, monitoreak beti izango du aukera tresna hau berak egokien irizten dion moduan eta hurrenkeran erabiltzeko. Hasieran, ordea, guk proposatutako ibilbidea jarraitzea gomendatzen diogu, edukietara ohitzen haste aldera.

  • Proposatutako ibilbidea:
  • Adinaren ezaugarrietara hurbiltze generiko bat egin (haurraren ezaugarriak).
  • Etapa bakoitzaren helburu nagusia testuinguru pedagogiko desberdinen edukiekin uztartuko duen ikuspegi orokorra lortu (ikuspegi orokorra).
  • Adin honetarako oinarrizko kontzeptuetan sakondu: Ohitzen hasi, Baloia eta ni, Erasoa, Defentsa y atezaina. Atal horietako bakoitzak hainbat oinarri jasoko ditu; sarrera batekin hasi, eta ondoren atal bakoitza lantzeko hainbat jarduera proposatuko dira.
  • Futboleko araudiaren alderdi nagusiak ikasi (araudia).
  • Geureganatutako jakintzarekin, benjamin kategorian futbolaren didaktika zer den jasotzen duen koadroa lantzen hasteko moduan egongo gara (futbolaren didaktika).
  • Baina dena ez da futbola, eta gutxiago adin honetan; gure ustez, arreta berezia eman behar zaie kirolarekin lotuta dauden arau, jokabide eta balioei (balioak landu).
  • Emandako informazioarekin eta iradokizun metodologikoekin, monitorea lan ona egiteko moduan izango da benjamin kategoriako neska-mutilen edozein talderekin.
gipuzkoa.net