Gipuzkoako Foru Aldundia

Kirolgela: Futbol entrenamenduak

Benjaminak >> Kontzeptuak >> Erasoa

Desmarkeak

Demarkea, izenak berak adierazten duen bezala, markaketa saihestea da, aurkariaren defentsa ekintza desegitea, baloia jasotzeko helburuarekin.

Ekintza tekniko-taktiko bat da, kategoria honetan oso gutxitan erabiltzen dena; izan ere, aurrelari nahiz atzelariek baloia dagoen inguru hurbilean gertatzen diren mugimenduetan jarri ohi dute arreta. Horrek ez du esan nahi desmarkea oinarri bezala azpimarratu behar ez dugunik; are gehiago, gure ustez oinarrizko elementu bat da, taldearen erasorako jokoaren zirriborroa egin ahal izateko.

Hartara, pase lerroak sortzea izan behar du baloirik ez duten jokalarien lehen helburua; horretarako, desmarke mugimenduak oinarri izango dituzten zenbait jarduera proposatzen ditugu. Dena dela, eta mugimendua eraginkorra izan dadin, desmarkearen irakaskuntza-ikaskuntza prozesurako gomendio batzuk emango ditugu.

  • Geldirik ez geratu, mugitzen aritu
  • Mugimendu laburrak eta bat-batekoak egin markaketa saihesteko. ikus bideoa
  • Atzelarien bizkarra bilatu (beren ikus eremutik irten). ikus bideoa
  • Batzuetan, gelditzea korrika egitea baino eraginkorrago izan daiteke (erritmo aldaketak: abiatzeak eta gelditzeak).
gipuzkoa.net