• Sarrera
• Umeen ezaugarriak
• Ikuspegi orokorra
• Kontzeptuak:
  • Ohitzen hastea
  • Baloia eta ni
  • Erasoa
  • Defentsa
  • Atezaina
• Araudia
• Fubolaren didaktika
• Balioak landu
• Iradokizun metodologikoak

• 
• 

Benjaminak >> Kontzeptuak >> Atezaina

Atezaina

Atezaina gainerako jokalarien aldean desberdina da. Zergatik?

• Bere zereginagatik: baloia gelditu behar du azken batean.
• Bere zereginaren ezaugarri bereziengatik: eskuetan har lezake baloia, area txikian ezin zaio ukitu.
• Bere kokapenagatik: atetik hurbil egoten da.

Esan beharrik ez dago atezainaren postua oso garrantzitsua dela. Adin hauetan, ordea, arazo bat sortu ohi da postu honen inguruan: jokalari asko eduki ditzakegu eskularruak janzteko prest daudenak, edo aitzitik, litekeena da inork egin nahi ez izatea atezain lana, eta halakoetan, dohain tekniko gutxien duen jokalariari eskatu ohi zaio atezain jartzeko. Betiere monitoreak erabaki beharko du nola beteko diren atezain postuaren beharrak bi edo hiru jokalarirekin.

Nolanahi ere, eta atezainek zenbait jarduera atetik kanpo egin ditzaten gomendagarria den bezala, gomendagarria da gainerako jokalariak ere inoiz atepean jartzea.

Kategoria honetako atezainentzat egiten ditugun proposamenek hiru helburu pedagogiko izango dituzte:

• Orientazioa bere mugen inguruan: area eta atepea, batez ere.
• Atera egindako jaurtiketak kontrolatu.
• Komunikazioa gainerako jokalariekin.