Kirolgela: Futbol entrenamenduak

Aurkibidea · Benjaminak

Benjamin kategoriako neska-mutilekin lan egiterakoan gogoan izan behar dira zenbait alderdi:

Iradokizunak:
1· Lanerako plangintza egin, gogoan izanik edukiak neska-mutilen adinari, daukagun denborari eta taldearen ezaugarriei egokituak behar dutela izan.
2· Asteko eta eguneko zereginak prestatu, aurreko puntuan adierazitakoa aintzat harturik.
3· Garaiz iritsi taldearen jarduera guztietara: entrenamenduak, partidak...
4· Saio bakoitzeko gertakari aipagarrienak jaso: aldaketak, etorri ez direnak, berandu etorri direnak etab.
5· Entrenamendu saioetara kirol jantziak, eraman, neska-mutilei ere horixe eskatuko zaie eta.
6· Oinarrizko jarduera multzo bat hautatu lanerako tresna gisa, eta aldagaiak edo ariketa berriak sartzen joan. Etengabe aldaketak egiten ez aritu.
7· Mugitzea eskatzen duten jarduerak aukeratu. Zain egoteko ilarak saihestu. Umea uno oro mugitzen aritu dadin saiatu, ahal den neurrian.
8· Azalpen luzerik ez eman. Jarduera gauzatu ahala zuzentzen saiatu.
9· Saioaren amaieran, benetako jokoaren antzeko jokaldiak egin.
10· Gogoan izan beti 8-10 urteko neska-mutilekin ari garela lanean; horrek berekin estrategia pedagogiko jakin batzuk baliatzea eskatzen du, malgutasuna, exigentzia eta motibazio gaitasuna konbinatuko dituztenak.