::Esku Pilotaren ikaskuntza irakaskuntza prozesua::

Esku Pilotaren ikaskuntza irakaskuntza prozesua

Alebin aurkibidea:

Menu orokorra:

Helburuak

Alebinen aldiko helburu nagusiena ikasleak eskupilotako pilota, pilotaria, espazioa eta denbora elementuen arteko elkarrekintza ezagutzea izango da. Benjaminen aldian, bereziki, pilotarekiko erlazioa landu duenez, aldi honetan, pilota jotzean eta zain dagoenean espazioa modu anitzean erabili eta denbora alderdia ezagutu eta eskupilotan aplikatzeko gaitasuna lortu behar dugu. Maila zehatzagoan, ondorengo helburuak aipa daitezke:


Jotzen duena	+ Pilotaren ibilbidea ezagutu eta kolpearekiko distantzia eta prestatze denbora egokia neurtzeko gai izan. + Pilota modu egokian jotzeko gai izan. + Pilota frontiserantz bideratzen hasi. + Pilota jotzean modu ezberdinak erabiltzen hasi.
Jotzen ez duena	+ Pilota jo ondoren, espazioan duen kokapenaz ohartu, eta frontisarekiko modu egokian kokatzeko gai izan.
Arauak eta joko dinamika	+ Eskupilotako kirolaren oinarrizko joko-arauak ikasi (txandaka jo behar da, atxikia ezin da egin, txapak eta marrak txarra (falta) dira, sakea nondik nora eta nola egin behar den…). + Jokatzeko dauden modu ezberdinak ikasi (tantoak lortzeko moduak, espazioan kokatzeko modu ezberdinak, elkar ulertzeko modu ezberdinak…). + Joko-erritmoa azkartzeko edo geldotzeko gai izan.

Lege Oharra