Ikasturtea (9 hilabeteko iraupena)

Ikasturte bakoitzerako plangintza aldiaren araberakoa izango da, hots, formulatuko diren helburuak aldiko helburu orokorrak betetzera bideratu behar dira. Begirale bakoitzak testuinguruaren ezaugarriak kontuan izanda eta, bereziki, taldearen ezaugarriak ezagututa, lorgarriak diren helburuak planteatu behar ditu. Erreferentzia moduan, ikasturte ezberdinetan garrantzitsuak diren edukiak hartu kontuan (ikus 2. taula).

1. aldia/Benjamina

1. ikasturtea	2. ikasturtea
+ Pilotaren ibilbidea + Pilotara jartzea + Jaurtiketak + Eskupilotako antzerako egitura duten jokoak	+ Pilotaren kolpea + Kokapena kantxan + Eskupilotaren antzerako egitura duten jokoak

2. aldia/Alebina

1. ikasturtea	2. ikasturtea
+ Kolpea eta 1. espazio helburua (frontisa) + Sakea eta errestoa kolaborazioan (frontisa) + Kokapena frontisarekiko + Moldatutako jokoak (oreka)	+ Kolpea eta 2. espazio helburua (kantxa) + Sakea eta errestoa kolaborazioan (kantxa) + Kokapena pilotaren ibilbidearen arabera + Moldatutako jokoak (oreka eta desoreka)

3. aldia/Infantila

1. ikasturtea	2. ikasturtea
+ Kolpea eta 3. espazio helburu finkoa (ezker horma eta kontrakantxa) + Sakea eta errestoa oposizioan + Espazio rol finkoa oposizioan (kantxa) + Moldatutako jokoak (oreka eta desoreka)	+ Kolpea eta 3. espazio helburu mugikorra (espazio librea eta okupatua) + Espazio rol mugikorra oposizioan (aurkaria) + Moldatutako jokoak (oreka eta desoreka) + Joko erreala 1:1 egoerak

4. aldia/Kadetea

1. ikasturtea	2. ikasturtea
+ Kolpea eta 3. espazio helburu finkoa (ezker horma eta kontrakantxa) + Sakea eta errestoa kolaborazio-oposizioan + Espazio rol finkoa kolaborazio-oposizioan (kantxa) + Moldatutako jokoak (oreka eta desoreka) + Rolak: ezkerlaria eta eskuinlaria	+ Kolpea eta 3. espazio helburu mugikorra (espazio librea eta okupatua) + Espazio rol mugikorra kolaborazio-oposizioan (aurkaria) + Moldatutako jokoak (oreka eta desoreka) + Joko erreala 2:2 egoerak + Rolak: aurrelaria eta atzelaria

Aldietan adierazi den moduan, ikasturte bateko edukiak lantzean, ez da komeni hurrengo ikasturteko edo/eta aldiko edukiak jorratzea. Aldiz, ikasleek ikasturte hori baino lehenagoko edukiak erabat menperatu gabe dituzten kasuetan, interesgarria da aurreko ikasturte eta aldietako edukiak gainditzeko ariketak burutzea. Adibide moduan, 2. aldiko 2. ikasturteko ikasleek kolpe mota batzuk eta 1. espazio helburua (frontisa) ez badute erabat menperatzen, nahiz eta beraien joko-maila orokorra aurreratuagoa izan, aurreko ikasturteetako jarduera ezberdinak planteatzea garrantzitsua da.